Aisialdia eta denbora librea
12 urte baino gehiagoko desgaitasun intelektuala duten pertsonei zuzendutako programa da. Interakzio aukera normalizatuak eta babestuak eskaintzen ditu, dibertitu daitezen, aisialdiaz gozatu dezaten eta taldean eta gizartean integratzeko trebetasunak hobetu ditzaten, hala, parte-hartzaileak beraien aisialdia kudeatzeko gai izan daitezen une oro beharrezko laguntzak jasoz.
Aisialdian eta denbora librean, "Nik erabakitzen dut nire aisialdia" premisa hartzen dugu abiapuntutzat; beraz, AU duten pertsonek beren aisialdia baliabide komunitarioak erabiliz kudea dezaten bultzatzen dugu.
Horretarako, urtero aisialdi jarduerak antolatzen dira (asterokoak, hamabost egunean behingoak) eta asteburuetan irteerak, kirol jarduerak eta jarduera ludikoak egiten dira eta oporraldietarako programak ere antolatzen dira.
Larunbatak:
- Talde itxiak dira, eta larunbatetan batzen dira hainbat jarduera egiteko.
Asteburuetako irteerak:
- Urtean 3 aldiz asteburuetako irteerak egiten ditugu, bat hiruhileko bakoitzean (ostiral arratsaldetik igande arratsaldera).
Jarduera ludikoak
- Kontzertuak, antzerkiak, musikalak, dantza, magia...horiek guztiak ostiral arratsaldeetan, larunbat goizetan edo igandeetan egiten dira.
Kirol jarduerak
- Beste erakunde, klub eta federazioekin lankidetzan kudeatzen diren taldeak dira.
- Urtero
- Astelehenetik igandera
Oporrak
- 10 eta 15 egun arteko iraupena izaten dute eta uztaileko bigarren hamabostaldian eta abuztuko lehenengo hamabostaldian egiten dira.
- Euskal Herriko, Kantabriako, Asturiasko, Nafarroako, Errioxako eta Gaztela-Leongo hainbat lekutara joaten gara.
Jarduera horiek independenteak dira, izan ere, interes ezberdinekoak dira, ez dira beti garai berdinean antolatzen eta abar, baina, era berean, elkarrekin oso lotuta daude, izan ere, xedea berdina da: parte-hartzaileei ahalik eta trebetasun eta baliabide gehien ematea aisialdiaz gozatu dezaten eta aisialdiari buruzko erabakiak hartu ditzaten.
Erabakiak hartzeko alderdi horixe da Aisialdiko eta denbora libreko programak beste programen ildoekin bat egiten duen alderdia, izan ere, helburua, desgaitasuna duten pertsonek ahalik eta autonomia, independentzia eta autokudeaketa gehien lortzea da. Horretarako, in situ egoerak ahalbidetzen dira erabakiak hartu ditzaten eta iniziatiba izan dezaten, betiere, beharrezko laguntzak eskainiz.
